ММС

Објавено на: 02/11/21 3:11 PM

Експресна реакција на МВР за „шега“ – Креаторот на vaksajns.mk повикан на разговор во полиција

Креаторот на доменот vaksajns.mk денеска бил повикан во Полициската станица во Карпош на информативен разговор.

Тој на својот фејсбук профил ја објави информацијата.

– Краток апдејт: во 13:30 сум поканет во ПС Карпош на разговор околу доменот vaksajns.mk.
Единицата за компјутерски криминал мене брзо ми влезе во трага и брзо ме поканија за обично пренасочување кон сајтот на МЗ, за разлика од предметот за девојчињата од Струмица чии инкриминирачки материјали биле споделувани насекаде и не успеваше да ги најде сторителите 2 години, напиша Адил Бакиу.

Инаку страницата vaksajns.mk врши директно пренасочување до официјалната страна за вакцинирање на Министерството за здравство – vakcinacija.mk.

Министерството за здравство вчера во МВР го пријавило доменот vaksajns.mk, бидејќи создавал забуни во врска со пријавувањето за вакцинација против ковид-19.

Терминот „ваксајнс“  беше хит на социјалните мрежи во последните денови откако премиерот Зоран Заев го употреби додека зборуваше на англиски за вакцинацијата.


Доколку преземете содржина од оваа страница, во целост сте се согласиле со Услови за преземање.