ММС

Објавено на: 02/11/21 1:44 PM

Јавен повик за новинарски натпревар на тема ЕУ вредности и локалниот развој

Општина Аеродром објави јавен повик за новинарски натпревар на кој можат да учествуваат новинари и медиумски куќи со професионално изработени продукти посветени на европската определба во рамките на Стратегиската платформа за локален економски развој 2021-2025.

Како што наведуваат од Општината, оваа платформа, „Аеродром ‒ прва општина со европско знаменце”, се заснова врз европските стандарди и вредности: заштита на животната средина, модернизација на урбаното живеење, подобрување на квалитетот на живот во општината и рурален развој, области на кои треба да се фокусира новинарскиот продукт.

– Темите што ќе се обработуваат со новинарските стории треба да се однесуваат на европските вредности и нивна промоција на локално ниво преку новинарски истражувачки текстови, стои во соопштението.

Повеќе информации за платформата „Аеродром ‒ прва општина со европско знаменце”, како и за темите и проектите може се најдат преку линкот на општинската интернет-страница и на општинската страница на Фејсбук.

Јавниот повик за новинарски натпревар може да се најде на следниот линк.


Доколку преземете содржина од оваа страница, во целост сте се согласиле со Услови за преземање.