Вести Македонија

Собир на млади екологисти во Кавадарци

Во организација на мрежата на младите при ДЕМ денеска во Кавадарци се одржа Собир на млади екологисти од целата држава.

Симона Гетова од Валандово, во изјава за МИА рече дека станува збор за мрежа која работи на еколошки, економски и социјални правдини.

-Сакаме да ја направиме поврзаноста помеѓу неправдите кои се случуваат во нашиот социо економски општествен живот, со неправдите кои се случуваат кон природата. Зборуваме за сите тие проблеми и како да се мобилизираме повеќе за да ги решаваме, нагласи таа.

Се разговара за сите локални проблеми со кои се соочуваат младите од целата земја и како да се надминуваат тие проблеми. Учествуваат членови на локални организации кои се дел од мрежата на Движењето на екологисти, но и поединци активисти кои се залагаат за почиста и поздрава животна средина.

Доколку имате било каква сторија пишете ни на
Viber или WhatsApp
бесплатно на телефонскиот број
☎️ 0800 80 222
пишете ни на маил
[email protected]