Image default
Вести Македонија

Вуцис: ЕУ да направи одлучувачки чекор за почеток на пристапни преговори со Северна Македонија

Освен признавање на Договорот од Преспа преку изјави и декларации, ЕУ сега е повикана да преземе одлучувачки чекор и да донесе клучна одлука за почеток на пристапни преговори со Северна Македонија, порача претседателот на грчкиот Парламент, Никос Вуцис за време на неговото обраќање на првата Конференција на претседателите на Парламентите на земјите членки на ЕУ на тема „Европската Унија и нејзините соседи”, што се одржа во Виена.

Вуцис, неговиот говор го започна повикувајќи се „на најуспешниот пример за добрососедски односи, склучувањето на Договорот од Преспа меѓу Грција и Северна Македонија”, јави дописничката на МИА од Атина.

-Покажавме дека кога постои неопходната политичка волја, државите можат на мирен начин да ги решаваат нивните разлики, врз основа на меѓународното правo и принципите на добрососедство. Од една страна, договорот ја создава соодветната рамка за целосен развој на нашите билатерални политички и економски односи со Северна Македонија во корист на нашите народи. Нашите билатерални контакти на сите нивоа, веќе се чести и блиски и целиме кон создавање на целосен и модерен систем на соработка, рече претседателот на грчкиот Парламент, а се задржа и на минатонеделната посета на Алексис Ципрас на Скопје.

Рече дека Договорот од Преспа „го отвора патот за евро-атлантска и европска перспектива на Северна Македонија”, но и дека се отстрануваат пречките за соработка, „давајќи ѝ можност на Југоисточна Европа да има корист од иницијативите за развој, како што се кинеската „Οne belt-Οne road” и американските економски и енергетски проекти за регионот”.

-Важноста на овој договор е признаена од целата меѓународна заедница, почнувајќи од ЕУ и би сакал да ви се заблагодарам, драги колеги и за вашиот охрабрувачки став, како и за соодветното јасно споменување во текстот на Декларацијата што ќе ја усвоиме на нашиот состанок. Но, освен признавањето преку изјави и декларации, ЕУ сега е повикана да преземе одлучувачки чекор и да донесе клучна одлука за почеток на пристапни преговори со Северна Македонија, истакна pретседателот на грчкиот Парламент за време на неговото обраќање, пренесе МИА.

Вуцис се задржа и на европската перспектива на регионот, рече дека за Грција главен приоритет е интеграцијата во ЕУ на земјите од Западен Балкан.

Преземено од:

Доколку имате било каква сторија пишете ни на
Viber или WhatsApp
бесплатно на телефонскиот број
☎️ 0800 80 222
пишете ни на маил
[email protected]

Поврзани вести

Укината забраната за движење на тешки моторни возила на патот Крива Паланка – Деве Баир

Кире Андонов

Бектеши: Преку преговори со пазарџиите ќе стигнеме до соодветен закон за пазари

Габриела Додевска

Германскиот бизнис: Brexit и трговските спорови се најголемиот ризик за раст

Кире Андонов

ЛП: Да се санкционираат одговорните за пропустите во изградбата на делниците Миладиновци – Штип и Кичево – Охрид 

Вања Мицевска

Без интервенции и со саморегулација – сметководителите бараат решавање на проблемите во фелата

Вања Мицевска

Заев: Алтерантива и ДПА согласни да се најде заеднички кандидат за претседател

Вања Мицевска