Спорт Фудбал

Зизу го потенцира единствениот приоритет до крајот на сезоната

Ново-стариот тренер на Реал Мадрид, Зинедин Зидан, веќе неколку дена е на кормилото на клубот од Мадрид, а очекувањата кај навивачите по неговото доаѓање се енормно високи.

Тој со Реал направи неверојатна историја и бројки во ЛШ, по што ќе биде долги години запаметен, па од таму произлегува и големата љубов и еуфорија на фановите на Реал по неговото доаѓањето.

На прашање дали може да ги смени работите во Примера и дали верува во титула, Зизу одговори:

„Сакаме да ја завршиме сезоната со максимален број на бодовите од мечевите кои ни преостануваат. Имаме 11 натпревари до крајот и сакаме сите да ги добиеме. Знаете каков е фудбалот, никогаш не се знае“.

„Почнувајки од утрешниот меч, веќе сме фокусирани на секој следен чекор. Наша должност е да веруваме во можно освојување на титулата во Примера, но одиме внимателно, возбуден сум, почнувам нова авантура со Реал Мадрид“, констатира Зидан.

Реал Мадрид утре ја пречекува Селта на „Бернабе“.

 

Доколку имате било каква сторија пишете ни на
Viber или WhatsApp
бесплатно на телефонскиот број
☎️ 0800 80 222
пишете ни на маил
[email protected]