Вести Македонија

Почина вработен во рудник во Радовиш од струен удар

Вработен во рудник во Радовиш вчера починал од струен удар додека изведувал работи на трафостаница, информираат од МВР.

Во полициската станица Радовиш од Итна медицинска помош вчера, во 14:20 часот било пријавено дека вработен во рудник во Радовиш А.Р. (59) од село Воиславци, додека изведувал работи на трафостаница го удрил струен удар, по што починал.

Увид на местото извршиле јавен обвинител, трудов инспектор, инспектори од Државен инспекторат за електрика и опрема во рударството и екипа на Полициската станица Радовиш. По наредба на јавен обвинител, телото на починатиот било предадено на обдукција.

Се работи на расчистување на случајот, се наведува во соопштението од МВР.

Доколку имате било каква сторија пишете ни на
Viber или WhatsApp
бесплатно на телефонскиот број
☎️ 0800 80 222
пишете ни на маил
[email protected]