Image default
Вести Македонија Сообраќаен Сервис

Смајли за прилагодена брзина за возачите во Кавадарци

Насмевка за возачите кои ја почитуваат дозволената брзина на движење со своите возила и налутено смајли за оние кои возат со поголема брзина. Ова го покажуваат десетте сообраќајни знаци што деновиве се поставени на неколку локации низ кавадаречките улици. Целта е да се делува врз свеста на возачите дека со прилагодена брзина придонесуваат за поголема безбедност во сообраќајот.

„Ова ќе значи подобрување на сообраќајните режим, култура и безбедност. Сообраќајните знаци ги опоменуваат возачите и зависно од тоа дали ја почитуваат препорачаната брзина на движење или не, им покажуваат насмевка или намрштена фаца. Општина Кавадарци сака да има организиран систем во сообраќајот, со негова постојана онлајн контрола деноноќно“ вели градоначалникот на Кавадарци, Митко  Јанчев.

И од сообраќајната полиција сметаат дека ќе се делува на свеста кај возачите, а со тоа ќе се зголемува и безбедноста во сообраќајот низ кавадаречките улици.

„Со помош на овие знаци ќе можеме да водиме статистичка евиденција за тоа во кој период од седмицата и во кое време од страна на возачите се прават прекршоци, па според таа статистика ќе се поставуваат сообраќајни патроли и радари, по што ќе следуваат и санкции за несовесните возачи. Сето тоа со цел зголемување на безбедноста во сообраќајот во општина Кавадарци и намалување на бројот на сообраќајни незгоди, вели командирот на сообраќајната полиција Кавадарци,  Томе  Илиевски.

Електронските  сообраќајни знаци ги конструира Борис Вирлиос. Тој нагласува дека во нив покрај предупредувањето за брзината се наоѓаат и камери кои сеуште не се во функција.

Од општината најавуваат дека за поголема безбедност како во сообраќајот така и во останатите сегменти ќе бидат поставени 85 безбедносни камери на повеќе локации во градот, а ќе се следат во мониторинг центар кој ќе биде отворен за таа намена.

Ангел Данов

Превземено од:

Доколку имате било каква сторија пишете ни на
Viber или WhatsApp
бесплатно на телефонскиот број
☎️ 0800 80 222
пишете ни на маил
[email protected]

Поврзани вести

Ученици од Куманово учеа како безбедно да го користат интернетот

Трајче Гогов

Каменос преку Твитер повикува на масовни оставки за да се блокира ратификацијата

Трајче Гогов

Локализирани пожарите над Тработивиште и Пехчевско

Весна Крстева