Image default
Вести Македонија

Дескоска: Уставниот суд мора да си ја преземе улогата на заштитник на Уставот и на уставноста

Во системот на заштита на човековите права и генерално грижата за уставноста и законитоста Уставниот суд несомнено има една од најзначајните улоги и мора да си ја преземе улогата на заштитник на Уставот и на уставноста, а не да биде фактор што ќе предизвикува уставни земјотреси.

Тоа ги порача министерката за правда Рената Дескоска на денешната работна сесија за „Реформите во Уставниот суд поврзани со Поглавјето 23″ на третата работна група од Националната конвенција за Европската унија во Република Македонија.

– За жал во Република Македонија дел од проблемите произлегуваат од недостатоците во уставната рамка за работењето на Уставниот суд, но мислам дека тоа не е клучниот недостаток. Исто така, особено значајно е покажувањето на личен интегритет од страна на оние кои седат во Уставниот суд, изјави Десковска.

Изрази очекување дека во процесот на реформи и желбата за воспоставување на систем на владеење на правото Уставниот суд ќе се однесува согласно стратешката определба на Република Македонија.

– Еден од клучните проблеми нотирани во дејствувањето на Уставниот суд е тоа дека често пати тој ја имаше маската на политички орган, наместо на неутрален орган што ќе го интересира единстевно заштитата на Уставот и на човековите права во сферата во којашто им е дадена како право. Оваа власт не врши никаков притисок врз Уставниот суд и очекувам тие да можат да работат слободно, секако тоа зависи од нивните лични професионални капацитети и интегритет, изјави Десковска.

За улогата на Уставниот суд на Република Македонија во судските реформи спроведени како дел од процесот на интеграцијата во Европската унија, во рамки на денешната четвртата сесија на третата работна група на НКЕУ-МК учествуваа повеќе експерти од земјата, меѓу кои директорката на Академијата на судии и обвинители Наташа Габер-Дамјановска и професорката по уставно право Гордана Силјановска и кандидатот за уставен судија на Република Словачка, Радослав Прохаска, кој го сподели своето искуство од овој процес и укажа на виталните преговарачки прашања од Поглавјето 23.

Преземено од:

Доколку имате било каква сторија пишете ни на
Viber или WhatsApp
бесплатно на телефонскиот број
☎️ 0800 80 222
пишете ни на маил
[email protected]

Поврзани вести

Американски новинар приведен во Венецуела

Времето денеска: Умерено облачно време со повремен слаб дожд

Кире Андонов

МЗШВ: Да се внимава при активности во нивите и шумите поради опасност од пожари

Кире Андонов

СДСМ: ВМРО-ДПМНЕ да ги остави независните правосудски органи да ги завршат истрагите

Вања Мицевска

Сообраќајна незгода кај Куманово: Повредено е шестгодишно дете

Вања Мицевска

Општина Карпош: Еден случај на шуга во ООУ„Владо Тасевски”, нема простор за паника

Трајче Гогов