Image default
Вести Култура Македонија

Фестивалот „Пеце Атанасовски” по 45 години е „избришан” од програмата на Министерството за култура

Советот на Меѓународниот фестивал на народни инструменти и песни „Пеце Атанасовски” реагира на веста дека оваа национална манифестација што го негува изворниот мелос по 45 години ја нема во програмата на Министерството за култура  за оваа година. Односно, не доби ниту денар за активностите.

Според секретарот на фестивалот Златко Лашкоски, ова е шокантно и никогаш не се случило во четири и пол децении постоење на овој Фестивал, што ги негува и ги одржува изворните традиции од овие простори.

-Во годината кога Меѓународниот фестивал на народни инструменти и песни „Пеце Атанасовски” одбележува 45 години постоење, стигна веста дека од Министерството за култура доби „0″ средства за финансирање. Имало скусување на бараните средства, ама не се случило, буквално, фестивалот „да се избрише”. Ова е срамно и мислам дека со оваа одлука се девалвира фестивалот што ја негува и ја одржува изворната музика во Македонија. На Фестивалот настапуваат не само македонски изведувачи, туку и изведувачи од сите националности во земјава и ја претставуваат изворната музика. Сите заслужуваат да го имаат овој Фестивал, но ние, всушност, не знаеме што понатаму. Оставени сме на милост и немилост, изјави на прес конференција Лашкоски.

Организаторот на Фестивалот Донка Бачанова вели дека тој е национален бренд на зачувувањето на изворниот мелос од овие простори. Се одржува во Прилеп и Долнени, каде на Рудина доби и Амфитеатар. Има и Семинар за изучување на народните инструменти, а се изучуваат и на универзитетот во Штип. Секоја година настапуваат барем по 300 изведувачи од земјава и гости од странство.

– Фестивалот на народни инструменти и песни „Пеце Атанасовски” се води како фестивал од национален интерес. И без разлика на рестрикциите досега, беше признат од Министерството за култура. Сега е проблемот што сме „избришани” од Министерството, вели Бачанова.

Советот на фестивалот се уште се надева дека со ревидирање на програмата на Министерството ќе добие колку-толку средства. Во спротивно, Фестивалот сепак ќе се одржи и тоа, велат, пред Министерството за култура.

-Ние во Советот на фестивалот размислувавме дека, ако не добиеме пари од Министерството, нема да го прекинеме фестивалот кој има континуитет од четири и пол децении, ќе го одржиме со помош на пријатели, но ќе го одржиме пред Министерството за култура за да видат за каков фестивал станува збор, рече Лашкоски.

Преземено од:

Доколку имате било каква сторија пишете ни на
Viber или WhatsApp
бесплатно на телефонскиот број
☎️ 0800 80 222
пишете ни на маил
[email protected]

Поврзани вести

Десет граѓани избркани од ЗОО поради непочитување на кодексот за однесување

Трајче Гогов

Каменос до Ципрас: Распишете веднаш референдум за Договорот од Преспа

Кире Андонов

Две лица се убини,а тројца ранети во вооружен напад во центар за јога во Флорида

Габриела Додевска

Власта нуди помирување, опозицијата бара амнестија за 27 април

Трајче Гогов

Обвинение за двајца македонски државјани за неовластено производство и пуштање во промет наркотични дроги

Кире Андонов

Јапонци отворија фабрика за роботи во Словенија

Вања Мицевска