fbpx
Image default
Вести Македонија

Кривична пријава против прилепчанец за закани на Фејсбук

Надворешната канцеларија за криминалистички работи Прилеп и Секторот за компјутерски криминал и дигитална форензика при МВР во координација со Основното јавно обвинителство-Прилеп презедоа мерки и активности поради споделена објава со закани по живот на социјалната мрежа Фејсбук од страна на четириесетгодишниот прилепчанец, М.С., односно поради основано сомнение за сторено кривично дело по чл.144 „Загрозување на сигурност”од Кривичниот законик на Република Македонија.

Како што соопшти МВР, на 12.01.2019 М.С. е повикан на службен разговор во полициска станица, а одземени се и предмети со цел прибирање на докази. По документирање на случајот, против М.С. ќе биде поднесена кривична пријава.

Секторот за компјутерски криминал и дигитална форензика ќе продолжи со активностите со цел санкционирање на ваквите случаи.

Ги повикуваме сите граѓани кои се изложени на вакви закани или сведочат вакви закани, истите да ги пријават во најблиската полициска станица или на адресата [email protected] – велат од МВР.

 

Поврзани вести

ДИК за референдумот планира да потроши 169.770.000 денари

За прв пат по десетина дена, откако започнаа да протестираат тетовските студенти се огласија најповиканите

Габриела Додевска

Инциденти на протестите во Солун против Договорот од Преспа