Image default
Вести Македонија

Состанок на ИК на ВМРО-ДПМНЕ за уставните измени и за натамошното делување

Во седиштето на ВМРО – ДПМНЕ во тек е состанок на Извршниот комитет на кој се расправа за уставните измени и за натамошното делување на партијата.

Генералниот секретар на партијата Игор Јанушев пред состанокот изјави дека е повикана целата пратеничка група. Прашан дали е можно ВМРО-ДПМНЕ да ја напушти работата во Собранието, Јанушев рече дека ќе биде преиспитано нивното идно делување во институциите.

– Ќе ја следиме состојба во текот на денешниот ден, секако и следните денови и врз основа на тоа ќе донесеме одлуки и заклучоци за нашето понатамошно делување и за што благовремено ќе биде информирана целокупната македонска јавност, рече Јанушев.

На новинарско прашање дали имаат најави дека се вршат некакви преговори со дел од нивните пратеници, Јанушев рече дека она што го знаат во моментов е оти се прават обиди на најгруб можен начин да се изигра правото, правната држава и можноста за слободно одлучување на пратениците.

-Тоа го видовме и бевме сведоци и на 19-ти октомври, приказната ни се повторува. Да почекаме, да не подлегнуваме на шпекулации и дезинформации и да видиме како ќе се одвиваат работите во текот на денешниот и следните денови, рече Јанушев.

Собраниската седница за уставните измени, која требаше да продолжи во 12 часот, се уште не е почната.

Превземено од:

Доколку имате било каква сторија пишете ни на
Viber или WhatsApp
бесплатно на телефонскиот број
☎️ 0800 80 222
пишете ни на маил
[email protected]

Поврзани вести

Нова тужба од стечајниот управник против Кунико рисорсис    

Трајче Гогов

За еден месец, тетовската полиција уапси 150 лица кои пробувале конзумирале и продавале дрога

Трајче Гогов

Од идниот месец зголемени плати за пет отсто за вработените во градинките

Габриела Додевска