Image default
Вести Македонија

Ниските температури не се штетни за посевите во Струмичко

Ниските температури од минус 17 степени измерени во Струмичко засега не се штетни за посевите, сметаат земјоделските стручњаци.

Според д-р Ристо Вучков,експерт за заштита на растенија, снежната покривка, која во Струмичко изнесува околу 15 сантиметри, не дозволува да има штети на посевите од есенската сеидба.

– Овие температури можат да бидат знак за една добра зима, бидејќи на вакви ниски температури голем број од патогените и штетни инсекти умираат, вели Вучков.

Додава дека е многу значајно колкава е должината на ниските температури за да причинат штети на посевите. Засега времетрењето на ниските температури од над минус 15 степени се забележува само во утринските часови, а преку денот има зголемување.

Од Центарот за известување информираат дека сите патишта во Струмичкиот регион се проодни, а ниските температури засега не причинуваат проблеми на граѓаните.

Од ЈПКД „Комуналец”, сооштија дека сите локални патишта и главни градски сообраќајници се проодни, а зимската служба на претпријатието го расчистува снегот и мразот од пешачките зони во градот.

Превземено од:

Доколку имате било каква сторија пишете ни на
Viber или WhatsApp
бесплатно на телефонскиот број
☎️ 0800 80 222
пишете ни на маил
[email protected]

Поврзани вести

Богата културна програма по повод патронот на Кратово св.Ѓорѓи Кратовски

Љупчо Шатевски

Препораки до одгледувачите на животни при ниски температури

Вања Мицевска

Заменик командант на „Алфите“ со основно, припадник на МВР и универзитетски професор со лажна диплома

Габриела Додевска