Image default
Вести Македонија

Почина 48 годишен гостиварец

48 годишен гостиварец го загуби животот во несреќа која се случи вчера попладне во Гостивар, на улицата „Илинденска”, во близина на поранешен „Жито Шар”.

Според информациите од полицијата и обвинителството, до несреќата дошло при разминување на камион „Мерцедес” со гостиварска регистрација, што го управувал 58-годишниот гостиварец Б.С, и „опел фронтера”, управуван од 48-годишниот Д.Џ од Гостивар. Во моментот на разминување на двете возила, дошло до лизгање на арматурни шипки што не биле соодветно обезбедени, при што една од нив влегла низ прозорецот на автомобилот нанесувајќи му тешки повреди во главата на возачот.

Повредениот, со возило на Брза помош бил пренесен во гостиварската болница, каде му била укажана лекарска помош, но набрзо им подлегнал на повредите.

Јавниот обвинител наредил обезбедување на снимки од околните камери, сообраќајно техничко вештачење на возилата, прибирање траги од лице место, како и анализа на крв и урина на возачот. Врз телото на починатиот ќе биде извршена обдукција, а возачот на камионот е задржан во ПС Гостивар.

Надлежните соопштија дека ги преземаат сите неопходни мерки и активности за целосно расчистување на случајот.

Зоран Димовски

Поврзани вести

Уапсени четворица Срби во северниот дел на Косовска Митровица: Се слушале сирени и пукања

Вања Мицевска

Со нов еколошки акционен план Кавадарци ќе се справува со аерозагадувањето

Прекината изградбата на гасоводот на Водно, Шилегов повика на дебата