Image default
Вести Свет

Вооружен напад во Мексико: Шестмина полицајци ги загубија животите

Фото: Dallas Morning News

 

Вооружени мажи нападнаа полициски конвој во западниот дел на Мексико, обидувајќи се да ослободат затвореник, при што се убиени шест полицајци, соопштија локалните власти. Тоа е најсериозниот напад извршен од криминална банда, откако во саботата стапи на должност новиот претседател Андрес Мануел Лопез Обрадор, кој вети дека ќе ја намали стапката на насилство во земјата.

Јавниот обвинител на државата Халиско, Марисела Гомез Кобос изјави дека вооружената група патувала со три возила и го нападнала полицискиот конвој во близина на автопатот. Еден од напаѓачите бил повреден и уапсен.

Останатите напаѓачи избегале и направиле две барикади на патот со опожарени автомобили. Наркокартелите во Мекиско често употребуваат таква тактика, со цел да си обезбедат пат за бегство.

Во државата, каде што е извршен нападот, дејствува наркокартелот „Халиско – Нова генерација“.

 

Извор: МИА

Поврзани вести

Пратеникот од Златна зора е уапсен во близина на Атина

Шекеринска: МО ќе оддели околу 60 милиони денари за кампањата за референдумот

Нобеловата добитничка Марија Кири Склодовска- највлијателна жена во историјата