Image default
Македонија Спорт

Ученици со посебни потреби од источниот регион се натпреваруваа во Штип

Ученици со посебни потреби од основните училишта во Штип, Виница и Делчево и од државното средно училиште за образование и воспитание „Искра” денеска во спортската сала „Јордан Мијалков” во Штип се натпреваруваа во спортски игри.

Настанот е организиран во рамки на одбележувањето на 3 Декември – Меѓународниот ден за лица со интелектуална попреченост.

– Овде нема победени и поразени, овде победник е толеранцијата, дружењето и искреното другарство помеѓу вас. Како градоначалник на општина Штип ги поздравувам ваквите настани, но со една порака и апел до сите чинители во општеството – дека помош и грижа треба да се пружи во текот на целата година, постојано, а не само на денот посебен за нив, истакна градоначалникот на Штип, Благој Бочварски.

Учениците се натпреваруваа во фудбал, кошарка, пикадо, корективна гимнастика и други дисциплини, а спортскиот турнир се организира традиционално секоја година.

Поврзани вести

Дводневен кошаркарски камп со „Јаковлевски Про-баскетбол“ во Крива Паланка

Жител на Костурино, Струмичко починал по пад од трактор

Сеф со над 7 илјади евра украден од продавница во Виница

Трајче Гогов