Image default
Вести Македонија

Мосот на железничката линија Велес – Гевгелија саниран: Патничкиот воз утрово помина преку мостот на Црна Река

Патничкиот воз за Гевгелија, утрово во 7 часот и 45 минути замина од железничката станица во Велес и помина преку мостот на Црна Река. По него по мостот поминаа уште два товарни возови до Гевгелија. По четириесет дена нормализиран е сообраќајот на железничката пруга Скопје  – Гевгелија.  Мостот попушти на 29 септември годинава и откако заврши санацијата на носечкиот столб, беше подложен на тестирање. Прва помина локомотива тешка 120 тони по што професорот по бетонски мостови на Градежен факултет Скопје, Горан Марковски констатираше дека е безбеден за патнички и товарни композиции.

-Резултатите се одлични и се совпаѓаат со пресметките што претходно ги имавме, изјави Марковски.

Прашан дали реконструкцијата нуди трајно решение за 48 години стариот мост, Марковски одговори „Сметаме дека оваа санација што е направена сега за тие елементи на мостот може да премине во трајно решение за мостот. За попрециен одговор мора да се направат подетални истраги на целата конструкција“, рече Марковски.

Сега, брзината на минување на возовите по мостот е намалена, вели помошник директор за пруги во МЖ,  Владимир Трајковски.

-За почеток по мостот ќе се вози со намалена брзина од 20 км на час. Ќе вршиме контроли и мерења и доколку констатираме дека нема проблеми во однос на состојбата на мостот предвидуваме да го пуштиме сообраќајот нормално да се одвива на овој дел на пругата, рече Трајковски.

Железничката пруга Скопје – Гевгелија е дел од Коридорот 10 преку кој солунското пристаниште е поврзано со Европа.  ЈП „Македонски железници” пресмета загуба од речиси еден милион и 360 илјади евра од 40 дневниот прекин на железничкиот сообраќај.

Преземено од:

Доколку имате било каква сторија пишете ни на
Viber или WhatsApp
бесплатно на телефонскиот број
☎️ 0800 80 222
пишете ни на маил
[email protected]

Поврзани вести

И СДСМ ќе бара кандидат за претседател преку оглас

Весна Коловска

Епископската базилика во Стоби следниот месец треба да го добие оригиналниот изглед од шести век

Вања Мицевска

Укината забраната за камиони од Кичево кон Гостивар

Вања Мицевска

Во прекин железничкиот сообраќај Велес – Гевгелија

Габриела Додевска

Судењата од Одделот прекршоци – сообраќај од денеска во стариот Кривичен суд

Кире Андонов

Се појавија слики и видео од Роналдо и девојката која наводно ја силувал

Трајче Гогов