Image default
Вести Македонија

Нов закон за избор на раководни лица во јавната администрација (видео)

Раководните лица во јавната администрација ќе се бираат преку транспарентна постапка и со јасни стандарди и критериуми кои ќе бидат прецизирани со нов Закон за висока раководна служба.

Информацијата за донесување на еден ваков закон помина на вчерашната владина седница.

Законот ќе се однесува на високите раководни позиции како директори и секретари. Нема да се однесува на највисоките политички функции како што се министри и заменици-министри, како и на независните тела како што се Народниот правобранител или Комисијата за заштита на правото на слободен пристап до информации.

Ќе биде формирана и Комисија која ќе ја врши селекцијата на кандидатите, а изборот на раководните лица ќе биде преку јавен оглас на кој ќе може да пријават граѓани со високо образование.

Раководните кадри ќе бидат оценувани една година по назначувањето и секои наредни две години.

Според министерот за информатичко општество и администрација Дамјан Манчевски, ова е еден чекор кон департизација и професионализација на јавната администрација.

– Македонија е прва земја од регионот којшто со започнување на оваа реформа се обврзува преку нов закон да утврди јасни критериуми за избор на професионални раководни кадри. Ова е можеби еден од најважните чекори во процесот на професионализација на адмнистрацијата што е една од главните цели на реформата во јавната администрација, истакна Манчевски на денешната прес-конференција во Владата.

Во следниот период се планираат јавни дебати и консултации со граѓанскиот сектор и опозицијата околу подготвката на законот за висока раководна служба.

 

Преземено од:

Доколку имате било каква сторија пишете ни на
Viber или WhatsApp
бесплатно на телефонскиот број
☎️ 0800 80 222
пишете ни на маил
[email protected]

Поврзани вести

Габер: Учебниците по историја и географија во фокусот на експертскиот македонско-грчки комитет на средбата во Дојран

Габриела Додевска

Студено утро, во Битола измерени -18 степени

Габриела Додевска

Ципрас:  Уште еднаш ѝ посакувам добредојде на Северна Македонија

Габриела Додевска

Тринаесет сообраќајки во Скопје,повредени две лица

Трајче Гогов

На солунското пристаниште конфискувани контејнер со над 12 милиони шверцувани цигари од Кина наменети за Северна Македонија

Грчкиот Парламент ќе гласа за доверба на Владата на Ципрас

Трајче Гогов