Image default
Спорт Тенис

Федерер против Ѓоковиќ во финалето на „Мастерс” турнирот во Синсинати

Роџер Федерер и Новак Ѓоковиќ ќе играат во финалето на „Мастерс“ турнирот во Синсинати. Маестро се пласираше во мечот за титулата откако неговиот противник, Давид Гофан се откажа поради повреда во полуфиналето. Швајцарецот го освои првиот сет по тајбрејк, а во вториот резултатот беше 1:1, кога Гофан се откажа поради повреда на рамото.

Дуелот беше прв меѓу двајцата по полуфиналето во финалето на АТП во Лондон, кога Белгиецот сензационално го победи Федерер.

Со победата, 20-кратниот Гренд Слем шампион ја продолжи својата импресивна серија во Синсинати. Ова ќе биде негово осмо финале во Мејсон, а во досегашните седум нема пораз. Тој исто така е во серија од 14 последователни победи на турнирот.

Вечерва тој ќе го обнови ривалството со Ѓоковиќ, кој води со 23:22 во директните судири. Последниот, сепак, беше на почетокот на 2013 година на Австралија Опен.

Интересно е дека двајцата играле три пати меѓусебно за титулата во Синсинати и тоа се случува во 2009, 2012 и 2015 година. И во трите случаи победува Федерер.

За Ѓоковиќ, мотивацијата е уште поголема. Тој ги освоил сите турнири од „Мастерс“ сериите, но му недостасува овој во Синсинати.

Превземено од:

Доколку имате било каква сторија пишете ни на
Viber или WhatsApp
бесплатно на телефонскиот број
☎️ 0800 80 222
пишете ни на маил
[email protected]

Поврзани вести

Англија фуриозно против „Црвената фурија”

Габриела Додевска

КРАЛОТ СЕ НАЛУТИ: Леброн си ја кажа својата мака по последниот пораз

Меси ја доби рекордната петта „Златна копачка“ на Европа

Кире Андонов