fbpx
Image default
Ракомет Спорт

Македонските ракометари со победа над Литванија го започнаа шампионатот во Грузија

Избраниците на Данило Брестовац добро го почнаа натпреварот и рано обезбедија водство кое го одржуваа во текот на целото прво полувреме. На пауза македонските ракометари заминаа со предност од 19:13.

Во второто полувреме Литванија постојано играше 7-6 во напад, а неколкуте промашувања на нашите играчи кон празниот гол на противникот, заедно со неколкуте седмерци за Литванците и исклучувањата во редовите на Македонија, придонесоа разликата сериозно да се намали.

Литванија успеа да се доближи и до само еден гол негатива (26:25), но сепак во клучните моменти нашите ракометари ја задржаа концентрацијата и не дозволија пресврт.

Македонија дојде до ново водство од четири гола разлика во последните минути од средбата (29:25), што всушност и ја обезбеди победата. Во самата завршница Литванија повторно намали, но без сила за пресврт и натпреварот заврши со конечни 32:30 за Македонија.

Ненад Костески со 11 и Мартин Серафимов со девет голови беа најдобри стрелци во македонската репрезентација.

Македонија утре ќе се соочи со репрезентацијата на Луксембург.

Превземено од:

Поврзани вести

Македонија до 17 години ќе одигра три контролни натпревари во Малта

Трајче Гогов

Играше за машката ракометна репрезентација на Австралија, го смени полот, па сега ќе игра за женскиот национален тим

Трајче Гогов

Авионот на Сала на 63 метри на морското дно

Весна Коловска