Image default
Вести Свет

Харадинај: Приштина ќе одговори на евентуално прогласување автономија на Србите во северно Косово

Косовскиот премиер Рамуш Харадинај денеска по седницата на косовскиот Совет за национална безбедност ги предупреди Србите од северно Косово дека Приштина ќе одговори на нивниот можен обид за прогласување на автономија.

Зегин

– Никој нема право да превзема унилатерални акции, изјави Харадинај на конференција за печатот, додавајќи дека нема да се толерира кршењето на косовските закони.

Зегин

Харадинај најави и дека работната група утре ќе може да го поднесе извештајот за нацртот на статутот на Заедницата на српски општини.

Според него, досега се чекало на исполнување на таа обврска од договорот од Брисел, со цел властите во Приштина да бидат „сигурни дека статутот на ЗСО е во рамките со косовските закони“.

Како што јави Танјуг, медиумите во Приштина наведуваат дека причина за одржувањето на денешната седница на Совет за национална безбедност се наводните информации дека Србите во северно Косово утре ќе прогласат автономија, поради неформирањето на ЗСО од страна на Приштина.

– Ако некој излезе од косовските закони и договори, законот ќе работи, нема дилема, ќе го добие својот одговор. Тоа се однесува и за северно Косово. Секогаш сме го поздравиле пристигнувањето на секој граѓанин на светот во кој било дел од Косово, а секој што влегува на територијата на Косово, со цел на нарушување на јавниот ред и мир, ќе добие одговор во согласност со законот, изјави Харадинај.

 

Извор:МИА

Поврзани вести

Над 500 деца на нелегални мигранти во САД се уште не се се вратени на родителите

Иванов не може да го спречи договорот со Грција

Во Прилеп извршен увид на местото каде беше пронајден мртов полициски службеник