Image default
Вести Македонија

Министерството за одбрана ќе покрене постапка против војникот кој учествуваше во инцидентот на Мечкин Камен

Во врска со вчерашните информации за учество на припадник на АРМ во инцидент на прославата на празникот Илинден на Мечкин Камен, Министерството за одбрана ја известува јавноста дека е формирана Комисија со цел покренување на постапка против професионалниот војник Мартин Богоевски кој е евидентиран односно препознаен на видео снимка од инцидентот во Крушево.

Зегин

Со цел да се добие увид во ситуацијата и во заднината на случувањата, професионалниот војник Богоевски денеска е повикан на разговор и на распит во Воената полиција. Во текот на распитот војникот Богоевски, иако на видео-снимките се гледа како стои во првиот ред, негирал дека учествувал во инцидентот во кој беа нападнати вербално и со фрлање предмети високи официјални гости од странство како и владината делегација која дојде на Мечкин Камен со цел да зеде учество во прославата на Илинден.

Зегин

Министерството за одбрана го осудува учеството на професионалниот војник Богоевски во инцидентот и укажуваме дека на припадниците на институција како што е АРМ не им е местото во групи кои користат насилство за остварување на политички цели и кои со напади врз високи странски официјални лица го нарушуваат угледот на АРМ и на Република Македонија.

Министерството за одбрана ќе ја информира јавноста за текот на постапката и за преземените мерки во врска со овој случај.

Поврзани вести

Шест и пол милиони евра за општините за инфраструктура и градинки

Формиран Заеднички комитет за историски, археолошки и образовни прашања меѓу Македонија и Грција

Македонија утре го почнува скрининг процесот за преговорите со ЕУ