fbpx
Image default
Вести Македонија

Девет лица повредени во сообраќајка на патот Штип-Радовиш

Повредени се девет лица во сообраќајна несреќа  во близина на радовишкото село Дамјан на магистралниот пат Штип-Радовиш.

Потпаролот на СВР Струмица Хринзатема Рендевска изјави дека несреќата се случила утринава во 3:40 часот помеѓу две патнички возила и еден трактор со приколка.

– Според првичните информации, со телесни повреди се вкупно девет лица и сите се хоспитализирани во болницата во Струмица, рече Рендевска.

Во тек е увид на местото на несреќата од страна на полицијата и јавниот обвинител.

Поради несреќата  изутрината од 4:15 часот до 5:40 сообраќајот на тој дел од патот беше целосно прекинат, по што возилата се пропуштаа наизменично.

Извор: МИА

Поврзани вести

Состојба на патиштата: Намалена видливост поради магла на Ѓавато

Кире Андонов

Бектеши попладнево ќе соопшти дали Приштина ги зема предвид македонските аргументи за царината

Стационарот за кучиња наместо во Прдејци ќе биде во Негорци