Image default
Вести Македонија

Вработените во „Еурокомпозит“ се согласуваат за стечај на фабриката

Вработените во „Еурокомпозит“ се согласуваат со понудата компанијата да отиде во стечај и сметаат дека тоа е единственото решение како во случајот со „Фени“.

– Ваква понуда ние имавме при разговорите со премиерот Зоран Заев и со потпретседателот на Владата Кочо Анѓушев и сметаме дека е единственото решение – изјави денеска претседателот на синдикатот на прилепски „Еурокомпозит“ Роберт Богданоски, по информацијата дека потпретседателот на Владата Анѓушев, стечајот го предлага како можно решение за фабриката, наместо долготрајниот процес на приватизација.

„Значи, прво да се најде купувач за фабриката, па да се пушти во стечај, купувачот да ја преземе фирмата со обврските спрема вработените, да се исплатат доверителите и другите трошоци. Што се однесува до пакетот за технолошки вишок, направени се списоците за 120 вработени и се испратени до Владата“, вели Богданоски.

Вработените очекуваат до петок да ги земат тие 30.000 денари како две плати кои се одобрени преку позајмица.

Долговите на Фабриката се околу 5 милиони евра. Неисплатени се 18 плати и придонеси од 2012 година. Од понеделникот тече работниот проецес во „Еурокомпозит“.

Превземено од:

Доколку имате било каква сторија пишете ни на
Viber или WhatsApp
бесплатно на телефонскиот број
☎️ 0800 80 222
пишете ни на маил
[email protected]

Поврзани вести

Затвореник починал откако се обидел да се обеси

Вања Мицевска

Групацијата на производители на месо бараат заштита на домашното производство

Габриела Додевска

Се подготвува прв мјузикл за деца во Македонија

Габриела Додевска