Image default
Вести Македонија

Анѓушев: Југохром нема да проработи додека не ги задоволи еколошките стандарди

Не може „Еко Герила“ или која било друга организација да кажува дали некоја компанија ќе работи или не. Никој не може да биде над институциите на дражвата. Јасен е ставот на Владата, Југохром неможе да проработи ако не ги задоволи еколошките стандарди – рече денеска вицепремиерот за економски прашања Кочо Анѓушев.

Зегин

Според него, Југохром веќе ги поставува филтрите и целиот процес треба да заврши до октомври-ноември годинава. Компанијата, согласно финансикиот план, мора да обезбеди уште  еден милион евра, а ако тоа го стори Владата ќе и’ помогне со кредит од дополнителни 1,5 милиони евра од Македонската банка за поддршка на развојот, со што ќе може  да се заокружи процесот во целост.

Зегин

„Договорено е Југохором да ги постави филтрите. Сопственикот на компанијата се соочуваше со одредени финансиски тешкотии околу имплементација на проектот. Ја разгледавме ситуацијата и констатиравме дека постои физибилност комбинатот да работи, поготово со сегашната конјуктура на цените на металите на светските берзи. Може да работи профитабилно и да остварува профит“, истакна Анѓушев, кој нагласи дека иако имало доцнење со проектот во Југохром тоа е приватна фабрика, каде Владата не може да се меша во работата.

„Ако Југохром ги задоволи еколошките стандарди што е во интерес на државата, а пред се во интерес на вработените и жителите на тој регион, ќе биде ставен во функција“, потенцира вицепремиерот. Неодамна здружението Еко Герила од Тетово обвини дека членовите трпат закани и притисоци за да молчат во врска со Југохром. По прес конференцијата на која тие го обелоденија ова, министерот за внатрешни работи Оливер Спасовски  рече дека нема пријава за такво нешто.

Related posts

Рускиот опозициски активист Алексеј Навални излезе од затвор

Русија предлага укинување на санкциите на ОН за Северна Кореја

Смртоносната пештера во Тајланд ја однесе првата жртва (видео)