Image default
Вести Свет

Во Шведска стапува во сила закон со нова дефиниција за силување

Во Шведска денеска стапи во сила закон за согласност на сексуален контакт, со кој ќе се смета за принуда секој сексуален чин извршен без јасна согласност, дури и во случај да нема закана или појава на насилство. Со законот се утврдува дека човекот е виновен за силување доколку извршил сексуален чин со друг човек, кој не учествувал слободно во тоа дејствие. Претходно, шведскиот закон го сметаше за силување секој сексуален чин придружуван од насилство или извршен под закана.

Отсега шведските судови ќе треба да се исклучително внимателни за тоа дали согласноста е дадена со зборови, со гест или на друг начин.

Шведската Влада соопшти дека новиот закон испраќа силна порака, додавајќи дека ќе бидат одобрени 11,5 милиони евра во борбата против сексуалното вознемирување и насилство.

Новиот закон стапува во сила откако Шведска беше потресена од движењето „Јас исто така“(#MeToo).

– Тоа движење покажа многу силно дека треба макотрпно да се работи во борбата против сексуалното вознемирување и насилство на работното место, но и во останатиот дел на општеството – изјави шведската министерка за рамноправност на половите, Лена Халенгрен.

Целта на новиот закон е да се промени однесувањето во една земја, во која еднаквоста меѓу мажите и жените се смета за најнапредните во светот.

Силувањето може да биде казнето со шест години затвор или до десет години затвор за силување на малолетно лице.

 

Извор: МИА

Превземено од:

Доколку имате било каква сторија пишете ни на
Viber или WhatsApp
бесплатно на телефонскиот број
☎️ 0800 80 222
пишете ни на маил
[email protected]

Поврзани вести

Мицкоски: Доколку навистина се стремиме кон европските вредности и принципи така треба и да се однесуваме

Вања Мицевска

Унгарски медими: Контроверзната апликација за азил на Груевски во процедура

Трајче Гогов

Теохаропулос: Во регионот „буре барут во Европа” потребни се политики далеку од национализмот