ММС
Банер за Супер7

Објавено на: 07/23/18 11:00 AM

Бензините поевтинуваат за денар, дизелот за денар и половина

Бензините и екстра лесното масло за домаќинство од ноќеска на полноќ поевтинуваат за еден денар, а дизелот за денар и половина, одлучи на денешната седница Регулаторната комисија за енергетика (РКЕ).

Новата цена на Еуросупер БС 95 изнесува 71 денар за литар, а Еуросупер БС 98 ќе се продава за 73 денари за литар. Екстралесното масло за домаќинство  ќе чини за 51,5 денари за литар, додека новата цена на  Еуродизелот (Д-Е V) изнесува 62,5 денари.

Малопродажната цена на мазутот М -1 НС се намалува за 0,81 денари  за килограм и новата цена на овој енергенс ќе изнесува 33,897 денари.

Намалувањето  на малопродажните цени на нафтените деривати во просек е за 1,96 проценти. РКЕ ја донесе одлуката врз основа на просечната цена на суровата нафта на светскиот пазар и курсот на денарот во однос на доларот во изминатите две недели.

 

Извор:МИА


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1