ММС

Објавено на: 02/5/21 11:01 AM

Се распадна огромната санта мраз која три и пол години пловеше по Атлантикот

Огромната санта мраз која во јули 2017 година се одвои од ледената плоча Ларсен-Ц на источниот брег од Антарктичкиот полуостров се распадна, објави Европската вселенска агенција ЕСА кога го следеше движењето на џинот со помош на сателити.

Огромната санта мраз која пловеше три и пол години по јужниот Атлантик после отцепувањето беше на пат за оддалечениот остров Јужна Џорџија. Тоа претставуваше закана за екосистемот на британските прекуморски територии, наведе ЕСА во соопштението.

Џиновската санта А-68А го променила движењето и загубила неколку делови, а пред неколку дена новите пукнатини предизвикале таа да се распадне во „мали коцки мраз“.

„Главниот А-68А мраз се чини дека се движи кон југ и во моментов е на 225 километри од островот Јужна Џорџија“, се вели во соопштението и се додава дека малите санти мраз се оддалечуваат од главниот дел.

Приближувањето на сантата предизвика страв дека таа може да заглави на брегот и дека неговата слатка вода би можела да влијае на кревкиот екосистем на островот, а научниците беа посебно загрижени за судбината на пингвините кои сега можат да здивнат од опасноста.

извор: Jutarnji.hr

фото: BBC.co.uk


Доколку преземете содржина од оваа страница, во целост сте се согласиле со Услови за преземање.