ММС

Објавено на: 02/3/21 2:42 PM

Инспекциски совет: 5.000 контроли за 10 дена

Владата на вчерашната седница донесе заклучок со кој ги задолжи Министерството за финансии, министерството за информатичко општество и администрација и министерството за политички систем и односи со заедниците со највисок приоритет да ги разгледаат и одобрат годишните планови за вработување за 2021 г на сите инспекциски служби, информираше на денешната прес-конференција претседателката на Инспекцискиот совет, Магдалена Ф. Грашкоска.

Грашкоска ги презентираше податоците од спроведените надзори од 25 јануари до 3 фенбруари. Во овој период седумте инспекциски служби извршија нешто помалку од 5.000 контроли, односно 4959. Државниот здравствен и санитарен инспекторат изврши 131 надзор врз основа на кој изрече 15 решенија за констатирани неправилности, притоа овој инспекторат кој е надлежен и за издавање на решенија за изолација минатата недела издаде 4373 решенија за самоизолација.

Од страна на државниот пазарен инспекторат се извршија 3571 контрола и 757 надзори поврзани со почитување на законот за заштита на население и заразни болести и протоколите за работа на угостителските објекти. Изречени се 23 прекршочни пријави, 134 решенија за констатирани неправилности и 63 прекршочни патни налози. Пет се за непочитување на работата на угостителските објекти, и тоа за два угостителски објкети во Охрид, и по еден во Тетово, Гостивар и Битола. Изречена е забрана за вршење на дејноста и истите се затворени, а соодветно се изрекуваат и прекршочни патни налози.

Инспекторатот за транспорт во период од 25-31 изврши 46 надзори, изречени се 9 прекршочни пријави и 3 решенија. Државниот инспекторат за труд изврши 367 надзори и изрече 10 решенија и 5 прекршочни патни налози. Агенцијата за лекови и медицински помагала реализирала 14 надзори, при што не се констатирани неправилности. Агенцијата за храна и ветеринарство извршила 390 надзори, изречени се 14 решенија и 31 едукација и 1 прекршочен платен налог. И државниот инспекторат за животна средина извршил 50 надзои, констатирани се 8 неправилности.

На новинарско прашање до директорката на ДСЗИ, дали е извршен вонреден инспекциски надзор на Нефрологија, што е констатирано и дали нормално функционира клиниката, директорката одговори дека ДСЗИ има комплетно постапено во однос на своите ингеренции на клиниката на Нефрологија и према записниците ДЗСИ нема забелешки.

На прашање до Грашкоска дали започнаа рамковните вработувања и дали инспекторатите имаат капацитет да ги примат и тие одговараат на тие профили на работници кои им се потребни на инспекторатите, Грашкоска информира дека лицата сеуште не се почнати со работа, не се распределени и дел од лицата имаат соодветно образование за да бидат инспектори, дел се со соодветно образование за административни места.


Доколку преземете содржина од оваа страница, во целост сте се согласиле со Услови за преземање.