ММС

Објавено на: 02/2/21 10:47 PM

Реакцијата на Пендаровски е задоцнета, велат од ВМРО-ДПМНЕ

Немаше да биде крај на светот ако Пендаровски се спротивставеше на Заев и не го потпишеше Законот за фалсификат попис, реагираат од најголемата опозициона партија во државата.

Според ВМРО-ДПМНЕ претседателот Пендаровски е лицемерен поради тоа што сепак го потпишал Законот за попис и не се спротиставил на очигледниот „фалсификат“.

-Пендаровски е лицемерен. Ако толку беше загрижен за пописот немаше да биде крај на светот доколку му се спротивставеше на Заев и не го потпишеше Законот за фалсификат попис. Самото барање на Пендаровски за одложување на пописот е признание дека власта не е спремна за легитимен попис и дека барањата на ВМРО-ДПМНЕ во врска со пописот се оправдани. Сегашната негова реакција е задоцнета, велат од ВМРО-ДПМНЕ.

Првиот попис по цели две децении во земјава ќе се спроведе од први април.


Доколку преземете содржина од оваа страница, во целост сте се согласиле со Услови за преземање.