ММС

Објавено на: 02/2/21 1:13 PM

Косовски државјанин уапсен при извршување кражба од банкомат во Куманово

Полициски службеници од СВР Куманово утрово во 04:15 часот во Куманово го привеле косовскиот државјанин А.М. (41), затоа што бил фатен при обид за извршување на тешка кражба од банкомат на една банка на ул.„11 Октомври”.

Како што информира МВР, во непосредна близина на местото било пронајдено патничко возило „фолксваген голф”, со косовски национални ознаки.

Во врска со случајот, а по телеграма од СВР Куманово, на Граничен премин „Јажинце” бил задржан и Б.Х.(39) од Косово и ќе биде спроведен во СВР Куманово. По целосно расчистување на случајот ќе биде поднесена соодветна пријава, соопштуваат од МВР.


Доколку преземете содржина од оваа страница, во целост сте се согласиле со Услови за преземање.