ММС

Објавено на: 02/1/21 10:18 PM

Во Бугарија уапсен Игор Спасов, осуден за убиството на Мартин Нешковски

Игор Спасов осуден за убиството на Мартин Нешкоски е уапсен денеска во Софија.
-Известени сме од бугарските колеги дека по нашата распишана меѓународна потерница денеска е приведен Игор Спасов, изјави за МИА портпаролот на МВР Тони Ангеловски.

Спасов е осуден на 14 години затвор за убиството на Нешкоски што се случи на прославата на победа на ВМРО-ДПМНЕ на парламентарните избори во 2011 година.

МВР распиша меѓународна потерница за Спасов на крајот на октомври 2019 година откако тој не се врати во затворот по завршување на лекувањето.

-Игор Спасов, се бараше со наредба ПК бр.6/18 издадена од Основен суд Штип за сторени кривични дела по чл.123 и чл.386 од КЗ на РСМ за доиздржување на казна затвор од 7 години  и 3 месеци, стои на веб страницата на МВР


Доколку преземете содржина од оваа страница, во целост сте се согласиле со Услови за преземање.