ММС

Објавено на: 02/1/21 9:11 PM

Баба (88) и дедо (78) се венчале на ковид одделение по 46-годишна врска: Лекарите организирале незаборавна церемонија

Седумдесет и осумгодишниот Филип и осумдесет и осумгодишната Патрисија од Велика Британија се венчале, откако претходно 46 години биле во врска.

Венчавката била организирана во една универзитетска болница и тоа токму на одделението на кое старицата во моментот се лекува од ковид-19, пренесува Гардијан. Оваа несекојдневна венчавка е одржана откако вработена во болницата преку Твитер барала матичар, а откако го пронашла, таа била еден од сведоците.

Една од докторките во болницата за Гардијан изјавила дека парот планирал да го изговори „судбоносното да“ откако ќе заврши пандемијата, но планот го промениле поради влошената здравствена состојба на Патрисија.

Можеби венчавката не беше таква каква што замислувале, но нашиот персонал се потруди да им овозможи незаборавна церемонија. Болничката соба ја украсивме, позајмивме прстени, имавме старосватици, но темелот на се е всушност нивната безусловна љубов. Ова попладне во нашата болница нема никогаш да го заборавиме – изјавиле од болничката служба за односи со јавноста.

 

Извор:         stil.kurir.rs


Доколку преземете содржина од оваа страница, во целост сте се согласиле со Услови за преземање.