ММС

Објавено на: 01/11/21 1:39 PM

Дождовите ја заматија водата во гостиварскиот водовод

Водата што се дистрибуира низ гостиварската водоводна мрежа е заматена и не е погодна за употреба. Од комуналното претпријатие упатија апел до граѓаните да не ја користат за пиење

Во соопштението до јавноста од ЈКП „Комуналец“ посочуваат дека поради обилните врнежи од дожд деновиве, дошло до заматување на водата во изворот на реката Вардар. Како последица на оваа појава, водата која се пренесува преку водоводната мрежа е загадена и не смее да се користи за пиење.

Забраната за користење на водата за пиење, ќе важи до наредното известување.

Изминатово деноноќие во гостиварско беа измерени над 40 литри воден талог, со што значително се смени хидролошката слика на реките и останатите водотеци.

(З.Г.М.)


Доколку преземете содржина од оваа страница, во целост сте се согласиле со Услови за преземање.