ММС

Објавено на: 01/9/21 1:00 PM

Засилени сообраќајни контроли во Охрид: За 24 часа полицијата изрече 103 казни

Дури 103 казни се изречени на сторители на најразлични сообраќајни прекршоци во Охрид и околината, во рамки на засилените контроли што ги спроведува Министерството за внатрешни работи, со цел зголемување на безбедноста на сите учесници во сообраќајот.

Како што истакна портапролот на МВР, Тони Ангеловски, најчесто се санкционирани прекршоци за прекорачување на пропишаната брзина на движење, но, и други сторени прекршоци како управување без возачка дозвола, управување нерегистрирани возила и слчно.

Имаме значително намалување на бројот сообраќајни незгоди. Ноември минатата година, споредбено со 2019, имавме намалување на сообраќајни незгоди од 21 отсто, додека,во декември, намалувањето е 23 проценти, рече тој.

Ангеловски истакна дека изминатата, 2020 е година со рекордно најмал број жртви во сообраќајот, што, според него, е пред сѐ последица на засилените акциски контроли што ги спроведува МВР. Податоците покажуваат дека изминатата година е забележано намалување на случаите на управување моторни возила под дејство на алкохол.

 

Фото:  Facebook / Министерство за внатрешни работи


Доколку преземете содржина од оваа страница, во целост сте се согласиле со Услови за преземање.