ММС

Објавено на: 01/5/21 11:51 AM

(Видео) Се скијале со автомобил – Ноќеска уништена патеката на Пониква, но претпладнево оспособена за скијање

Ноќеска, додека паѓаше првиот снег годинава на Пониква, автомобили возеле по патеката 1, која е најкористена од посетителите на зимскиот центар, при што ја „преорале“ во голем дел. И покрај тоа што ски патеката е оградена, возачите успеале да ја поместат оградата, да се искачат и да остават длабоки траги по делот што се користи за скијање. Концесионерот на патеката изутрината рачно ја порамнил, а дополнета е со нови колични снег за да може патеката денеска да се користи за скијање.

-Несовесни граѓани со автомобили ноќеска возеле на уредената ски патека, со што направена е голема штета. Механизацијата не можеше целосно да ја санира патеката, поради што моравме рачно да прекопуваме. Претпладнето веќе може да се скија и санка, а во функција е и ски лифот, изјави Благој Манев, концесионер на Пониква.

Со тоа, ски центарот на Пониква е целосно ставен во функција на љубителите на зимските спортови и на рекреативците, но останува горчината од несовесното однесување. Патеката сега повотрно е оградена, а упатен е апел до граѓаните да не ги уништуваат ретките ресурси.
Пониква останува единственото место за зимски спортови и рекреација во источниот дел на Македонија. Неодомна беа ставени во функција ски лифтовите. Првиот снег годинава ќе биде доволен за скијање и санкање на стазата 1, која се користи за почетници, додека стазата за брзо скијање ќе почека на повеќе снег.


Доколку преземете содржина од оваа страница, во целост сте се согласиле со Услови за преземање.