ММС
Банер за Супер7

Објавено на: 07/18/18 8:05 AM

Шампионите на Ју Ес Опен ќе земат по 3,8 милиони долари

Наградниот фонд на Ју Ес Опен достигна рекордно високо ниво. Откако минатата година тоа стана првиот тениски турнир кој распределува над 50 милиони долари меѓу учесниците, за оваа сезона износот се зголемува до 53 милиони.

Тоа е за над 5 отсто повеќе во однос на 50.4 милиони долари што беа обезбедени во 2017 година. Наградниот фонд во турнирот се зголеми за 57 отсто во изминатите пет години, посочува Американската тениска асоцијација.

Мажите и жените шампиони ќе заработат по 3,8 милиони долари, што е за 100.000 долари повеќе од надоместокот минатата година. За поразените во финалето се предвидени 1,85 милиони.

Тимовите, кои играат во двојки, ќе добијат по 700.000 долари. Ју Ес Опен ќе се одржи од 27 август до 9 септември. Оваа година е посебна за организаторите, бидејќи ќе ја одбележат 50-годишнината од турнирот.

Тие потсетија дека во 1973 година тоа стана првиот турнир во тенисот, кој предложил еднаков награден фонд кај жените и мажите.

 

Извор:МИА


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1