ММС

Објавено на: 12/31/20 10:52 AM

Вучиќ се надева дека Србија ќе има четири вакцини против коронавирусот во јануари

Српскиот претседател Александар Вучиќ најави дека во јануари Србија ќе добие четири вакцини. Ноќеска по локално време ќе биде регистрирана и вакцината против коронавирус на Синофарм.

– Мораме да ја нападнеме короната. Изгубивме многу луѓе, тоа е голема цена која што ја плативме, рече Вучиќ за Тв Пинк.

Истакна дека благодарение на докторите, сепак Србија успеала да се избори подобро од некои други земји.

– Дадовме се од себе, благодарение и на трудот и работата на државата и лекарите во ковид системот, Србија е една од најуспешните земји во оваа борба, наведе Вучиќ.

Србија вели тој работи на тоа да тестира многу луѓе за да открие што повеќе случаи и сите да имаат можност да добијат здравствена заштита.

– Се боревме и од почетокот на коронавирусот обезбедивме се за здравствените работници, целосна опрема, но и драматично зголемување на примањата. Тоа ниедна земја во Европа го нема направено за медицинарите. Ги исплативме долговите, не должиме веќе ништо, за прв пат, рече Вучиќ.


Доколку преземете содржина од оваа страница, во целост сте се согласиле со Услови за преземање.