ММС

Објавено на: 12/29/20 9:26 AM

МВР објави оглас за прием на 600 полицајци

Министерството за внатрешни работи денеска објави  оглас за прием на 600 извршители за работното место “полицаец“. Најголем број на нови полицајци ќе  примени во СВР Скопје – сто извршеители, додека по 50 нови за секторите во Струмица, Охрид, Куманово и Битола. По триесет нови полицајци се планирани во СВР Штип, Тетово и Велес. Новопримените ќе поминат едногодишна обука.

Детали за огласот:

  1. во Сектор за внатрешни работи Скопје ——————————– 100 извршители
  2. во Сектор за внатрешни работи Струмица —————————– 50 извршители
  3. во Сектор за внатрешни работи Охрид ———————————- 50 извршители
  4. во Сектор за внатрешни работи Битола ——————————— 50 извршители
  5. во Сектор за внатрешни работи Тетово ———————————-30 извршители
  6. во Сектор за внатрешни работи Велес ———————————– 30 извршители
  7. во Сектор за внатрешни работи Штип ———————————– 30 извршители
  8. во Сектор за внатрешни работи Куманово —————————– 50 извршители
  9. во Регионален центар за гранични работи Север ——————– 50 извршители
  10. во Регионален центар за гранични работи Запад ——————– 30 извршители
  11. во Регионален центар за гранични работи Југ ————————- 30 извршители
  12. во Регионален центар за гранични работи Исток ——————– 20 извршители
  13. во Оддел за заштита на определени личности и објекти ———– 30 извршители
  14. во Единица за брзо распоредување —————————————- 30 извршители
  15. во Единица за специјални задачи —————————————— 20 извршители.

По спроведената постапка за селекција, избраните кандидати за полицаец склучуваат договор за основна обука за полицаец во времетраење од 1 (една) година, која ќе се спроведе во Центарот за обука во Министерството за внатрешни работи и на истата се упатуваат за 10% поголем број кандидати за полицаец од бројот на слободни места за кои е распишан овој оглас, односно во Центарот за обука ќе бидат упатени вкупно 660 кандидати, соопшти МВР.

Линк до јавниот оглас:

https://mvr.gov.mk/vest/14125


Доколку преземете содржина од оваа страница, во целост сте се согласиле со Услови за преземање.