ММС

Објавено на: 12/28/20 7:56 AM

Маглата го отежнува сообраќајот на повеќе патни правци

Поради појава на магла намалена видливост од 100 -150 метри има на патниот правец Куманово – Скопје, од 30 – 40 метри на патните правци Скопје – Тетово и Тетово – Попова Шапка, од 20 – 30 на патниот правец Велес – Катланово, до 50 метри на патот Штип – Велес, соопшти АМСМ.

Намалена видливост до 100 метри има и на патните правци Куманово – Св.Николе и Неготино – Градско, а од 50 – 100 метри на патните правци Неготино – Д.Капија и Д.Капија – Удово.

Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

АМСМ потсетува дека од 15.11.2020 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2021 година.


Доколку преземете содржина од оваа страница, во целост сте се согласиле со Услови за преземање.