ММС

Објавено на: 12/26/20 5:52 PM

Скопјанец загина попладнево при судир на „мерцедес“ и „ауди“

Едно лице загина, а две се тешко повредени во сообраќајна несреќа кај долнореканското село Скудриње што се случи денеска околу пладне.

Тетовската полиција соопшти дека животот го загубил педесет и двегодишен скопјанец откако на регионалниот пат Маврови Анови – Дебар, во близина на Скудрињски мост се судриле две патнички возила, „мерцедес” со дебарски ознаки и „ауди” со скопски регистарски ознаки.

Сега починатиот, бил сопатник во аудито, а возачот и другиот сопатник кои здобиле тешки повреди се згрижени во дебарската болница од каде се префрлени на скопските клиники.

Возачот на мерцедесот поминал со полесни повреди.

Јавен обвинител и екипа на ОВР Гостивар извршиле увид на местото на несреќата. Телото на загинатиот е предадено на обдукција.

 

Фото:  Архива

 


Доколку преземете содржина од оваа страница, во целост сте се согласиле со Услови за преземање.