ММС
Банер за Супер7

Објавено на: 07/13/18 10:16 AM

Челси се збогува од Конте со – три реченици

Лондонскиот гигант Челси и официјално се збогува од доскорешниот менаџер Антонио Конте, откако конечно „сините“ најдоа начин да се ослободат од италијанскиот стратег за да направат место да го ангажираат неговиот сонародник Маурицио Сари, доскорешниот тренер на Наполи.

Тоа што вчера беше најавено дека Конте и Челси потпишале спогодбен раскин на договорот, денеска од „Стемфорд бриџ“ го потврдија и тоа со само – три реченици. Кратко и јасно, Челси му се заблагодари на Конте за досегашната работа.

„За време на работата на Антонио во Челси ја освоивме шестата титула во историјата и осмиот ФА-Куп. Во шампионската сезона поставивме рекорд од 30 победи во 38 премиерлигашки мечеви, како и клупски рекорд со 13 победи по ред. Му посакуваме среќа на Антонио во иднина во неговата кариера“, кратко објавија од „Стемфорд бриџ“.

Челси изминатава сезона остана без настап во Лигата на шампионите, што беше тотален неуспех за еден од најбогатите клубови на Островот.

 

 

Преземено од:sport1


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1