ММС

Франција почнува со ублажување на мерките во три фази

Франција ќе започне со олеснување на мерките за блокирање наметнати поради ширењето на коронавирусот, а најавено е дека постапката ќе се спроведува во три фази за да се избегне ново избувнување на пандемијата, потврди владата во неделата.

Во вторникот, претседателот Емануел Макрон ќе и се обрати на нацијата за состојбата со коронавирусот и може да објави делумно олеснување на ограничувањата што се во сила од 30-ти октомври.

– Макрон ќе обезбеди предвидувања за следните неколку недели, особено за тоа како да ја прилагодиме нашата стратегија. Станува збор за прилагодување на правилата за заклучување со подобрувањето на здравствената состојба, а во исто време да се избегне нов бран од пандемијата – рече владиниот портпарол Габриел Атал за „Јурнал Дју Диманш“.

Тој објасни дека ублажувањето на мерките може да се случи во три фази, со оглед на здравствената состојба и ризиците по економијата. Првиот чекор треба да се случи на 1 декември, вториот за време на Божиќните празници пред крајот на годината, а потоа третата фаза на ублажување треба да следи во јануари 2021 година.

Макрон рече дека втората национална блокада на Франција, која започна на 30 октомври, ќе трае најмалку четири недели и вклучува затворање на продавници, ресторани и барови, објави Ројтерс.

 

Но, со неодамнешните податоци кои покажуваат дека Франција е на пат да запре нагло зголемување на коронавирусот, владата е под притисок од продавници и компании да ги ублажат ограничувањата пред сезоната на божиќни купувања, кога многу трговци вршат голем дел од годишниот промет.

– Ние се обврзавме да им дозволиме на трговците на мало повторно да ги отворат продавниците околу 1 декември доколку се подобри здравствената состојба и се чини дека тоа се случи – рече Атал, додавајќи дека баровите и рестораните, сепак, ќе продолжат да работат под ограничувања.

Францускиот министер за здравство Оливие Веран рече дека земјата ќе ја добие битката против коронавирусот, но тоа е борба што ќе трае, предупредувајќи дека затворањето сè уште не е завршено.

Бројот на нови инфекции со коронавирус во Франција се зголеми за 17.881 во саботата, од 22.882 во петокот, додека бројот на хоспитализирани лица падна петти ден по ред и сега е 31.365 лица во болница.

Преземено од: http://ba.n1info.com/

 

 

 


Доколку преземете содржина од оваа страница, во целост сте се согласиле со нејзините Услови за преземање.