ММС
Банер за Супер7

Објавено на: 07/7/18 4:39 PM

Поројниот дожд и градот предизвикаа штети во Струмичко

Невреме со пороен дожд, проследен со силен ветар и град, за дваесетина минути предизвика поплавување на сообраќајници и две улици во Струмица – пренесе Македонската информативна агнција.

Локалниот пат од Струмица кон Бања Банско, кој поминува низ центарот на селото Муртино беше под вода. Поради преполните одводни канали водата се излеа во дворовите, а граѓаните на Муртино со пумпи ја испумпуваа.

Освен во Муртино невремето предизвика штети и во селото Сачево. Според информации од жителите има откорнати дрвја, искршени керамиди, а од градот се оштетени пластеници и посевите на отворено.

Штети на посевите има во други населени места во општина Струмица.

Според првичните информации во Струмица поплавена е улицата „Младинска“, а водата предизвикала штети во познатата „Леблебеџиска улица“.

Екипи на ЈПКД „Комуналец“ се на терен и работат на расчистување на поплавените места во градот и населените места.


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1