ММС

ВИДЕО: Пантерската одбрана на Митревски го заобиколи светот и доби пофалби од ЕХФ

Чуварот на мрежата на македонската ракометна репрезентација, Никола Митревски, главна тема на „муабет“ е помеѓу ракометната јавност во изминатите 24 часа.

Во победата на неговиот Порто над Пик Сегед, Митревски навистина брилијираше. И покажа уште еднаш дека не е „голман по калап“ и дека многу често ракометните стативи може да ги замени со оние фудбалските.

Португалците го поразија Сегед со 25:19, благодарение на Митревски и неговото „летање“ по теренот. Поранешниот голман на Еурофарм Пелистер забележа 15 одбрани, односно 46,8 отсто ефикасност и дури еднаш асистираше за погодок.

Од петнаесетте одбрани, еднаш влезе во очите на сите љубители на ракометот, а за неа и ЕХФ не штедеше зборови.

-За неговата извонредна партија, а да не ја споменеме и одбраната за која зборува секој, играч на натпреварот е никој друг, туку Никола Митревски, стоеше на официјалниот „Твитер“ профил на ЕХФ.

Пантерската неверојатна одбрана на Митревски, погледнете ја во продолжение:

 

 


Доколку преземете содржина од оваа страница, во целост сте се согласиле со нејзините Услови за преземање.