ММС
Банер за Супер7

Објавено на: 06/29/18 7:38 AM

Во предизборната кампања во Мексико убиени 133 политичари

За време на кампањата пред изборите што се одржуваат в недела во Мексико, убиени се 133 политичари, јавија западни медиуми повикувајќи се на податоци од Институтот за анализи „Етелект”.

Меѓу жртвите има 20 кандидати и 28 политичари кои планирале да бидат кандидати за општите избори закажани за 1 јули.

– Најмалку 71 отсто од нападите беа врз локални официјални претставници или кандидати за избори, нагласува директорот на Етелект, Рубен Саласар.

На претходните избори во 2012 година беа убиени девет политичари и еден кандидат.

Претседателските кандидати во Мексико ги одржаа последните собири пред почетокот на изборите, на кои фаворит е левичарот Андрес Мануел Лопес Обрадор.

Мексиканците покрај за претседател, гласаат и за пратеници и локални власти.

Тоа е предизборна кампања со најтешки последици досега во Мексико, земја во која минатата година беа регистрирани рекордни 25.339 убиства.

Извор: МИА

 


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1