ММС

Утре температури до 32 степена и услови за локален пороен дожд и грмежи

Сончево време со мала до умерена облачност и со слаб до умерен ветер од променлив правец не’ очекува утре во Македонија.

Попладне во југозападните делови ќе има услови за локален пороен дожд и грмежи. Минималната температура ќе биде во интервал од 7 до 15, а максималната ќе достигне од 27 до 32 степена – прогнозираа од УХМР.

Во Скопје, сончево со мала до умерена облачност, попладне со слаб до умерен северен ветер. Минималната температура ќе се спушти до 13, а максималната ќе достигне 30 степени.

Во петок пак, ќе има зголемена облачност и ќе дува засилен северен ветер, а во јужните делови ќе има услови за крткотраен локален дожд. Потоа следува период на стабилно време со пониски утрински температури.