ММС
Банер за Супер7

Објавено на: 08/19/20 5:07 PM

Лилард продолжува во одлична форма, Лејкерси го загубија првиот натпревар

За првото појавување на Леброн Џејмс со новиот тим во плејофот да не биде запаметено како позитивно, се погрижија Лилард, Нуркиќ и останатите Блејзерси. Тие го совладаа Лос Анџелес Лејкерс со 100:93 и ја зграпчија победата во првиот од потенцијалните седум дуели во оваа серија на Западот.

-Откако сме во „баблот“, секој натпревар за нас беше плејоф натпревар. Затоа и бевме подготвени. Ова е една победа, патот е долг. Среќен сум што сум овде и што се натпреварувам во плејофот, изјави популарниот Dame.

Лилард постигна 34 поени, додека пак неговиот опонент и најдобриот играч во лигата, Леброн Џејмс, забележа 23 поени, 17 скокови и 16 асистенции. За Леброн ова претставуваше 24-ти постсезонски трипл-дабл, а скорот од 16 асистенции персонален плејоф рекорд.

Центрите на двете екипи исто така имаа солидни партии позади себе. Нуркиќ со 16 поени и 15 скокови и Дејвис со 28 поени и 11 скокови за Лејкерс, не заостануваа многу позади лидерите на своите тимови.

Портланд за местото во плејофот и дуелот со „езерџиите“ се избори во плеј-инот против Мемфис Гризлис и победата над Мемфис беше првата победа во тој формат по 1956 година. Блејзерси по седми пат по ред се квалификуваат за нокаут рундите во плејофот.

Овој натпревар ќе биде забележан и поради интересниот момент во првиот дел од дуелот, кога по додавањето на Леброн Џејмс, поранешниот центар на Орландо Меџик, Двајт Хаурд, заби од зицер ситуација и неговото „влечење“ предизвика обрачот на едниот кош да се искриви. По интервенција на техничкиот тим, натпреварот продолжи во регуларен тек.

 


Доколку преземете содржина од оваа страница, во целост сте се согласиле со Услови за преземање.

Банер за Супер7