ММС
Банер за Супер7

Објавено на: 06/25/18 7:45 AM

Нова мундијалска „лотарија“: Македонија ја чека судбината за СП 2019!

Македонските ракометари денеска ќе ја добијат следната голема задача во репрезентативните кариери. Во Копенхаген, во 12.30 часот ќе биде извлечена ждрепката за групите на Светското првенство во Германија и во Данска во 2019 година.

Веќе ги објавивме „шешири“, според кои Македонија е во третиот квалитативен ранг, заедно со Германија, Катар и со Австрија. Тоа значи дека овие репрезентации сигурно нема да ни се паднат во ждрепката, но поради полудиригираниот карактер, значи и дека сигурно нема да играме во Берлин.

Главниот град Германците си го одбраа како своја база и веќе се знае дека нивна е групата А. По истиот терк, Данска ќе биде во Хернинг, во групата Ц, а и двата домаќина ги назначија Хрватска како сигурна во групата Б во Минхен и Шведска како носител во групата Д во Копенхаген.

Од синоќа познато и точно кои екипи од Јужна Америка ќе учествуваат на СП, откако Аргентина го освои Панамериканското првенство, совладувајќи го Бразил во финалето (29-24). Така, потенцијален противник од четвртиот „шешир“ ни се Аргентинците, а од петтиот Бразил и Чиле, кој за да заврши трет, го победи Гренлднд дури по продолженија.

Ова ќе биде четврто по ред Светско првенство за Македонија и вкупно шесто, а особено е важно затоа што ќе носи пласман во квалификациите за ОИ 2020 во Токио.

Ждрепката може да ја следите на овој линк.

ШЕШИР 1: Франција, Шпанија, Шведска, Данска

ШЕШИР 2: Хрватска, Русија, Норвешка, Унгарија

ШЕШИР 3: Катар, Германија, Австрија, МАКЕДОНИЈА

ШЕШИР 4: Исланд, Србија, Тунис, Аргентина

ШЕШИР 5: Египет, Бахреин, Бразил, Чиле

ШЕШИР 6: С. Арабија, Ј. Кореја, Ангола, Јапонија


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1