ММС
Банер за Супер7

Објавено на: 08/8/20 7:08 AM

Во Турција направена велосипедска патека долга 26 километри

Многумина кои сакаат да возат велосипед се одлучуваат за возење во природа и уживање во прекрасниот поглед. Една од таквите патеки е и онаа во Хатај, во Турција, на делницата Самандаг-Арсуз, долга 26 километри, која се простира долж брегот, објавува „Анадолија“.

Целта на локалните власти беше да се овозможи организирање државни и меѓународни активности, но и промовирање на туризмот на тоа подрачје.

Оваа велосипедска патека е отворена минатиот месец, и тоа со присуство на помошник-министерот за внатрешни работи Исмаил Чатакли, а поради тоа што се наоѓа на делницата долж брегот го привлекува вниманието на многумина вљубеници во природата.

Целта е рутата да ги привлече туристите на тоа подрачје, но и на неа да се организираат велосипедски активности како на државно така и на меѓународно ниво.

Гувернерот Рахми Доган изјави дека станува збор за делница од 26 километри.

„На патот Самандаг-Арсуз, ја направивме најдолгата непрекината велосипедска патека на светот. Земајќи ги предвид двете насоки, тоа е патека од 52 километри”, рече Доган.

Тој најави дека во скоро време тука ќе бидат организирани низа активности.

Доган рече и дека на социјалните мрежи добиле многу прашања за системот за изнајмување велосипеди.

Појасни дека станува веќе работат на тоа и дека турската Зелена полумесечина би требало да донира 50 велосипеди за воспоставување на системот.

Доган рече и дека на спомнатата патека би требало да бидат оформени пет рекреациски точки, за што соработуваат со Дирекцијата за шумарство.

„Најголема предност на рутата е тоа што е покрај море и што е непрекината. Тука луѓето уживаат возејќи велосипед помеѓу морето и планините”, истакна тој.


Доколку преземете содржина од оваа страница, во целост сте се согласиле со Услови за преземање.

Банер за Супер7