ММС
Банер за Супер7

Објавено на: 06/18/18 7:18 AM

Пред Собранието изутринава мирно, сообраќајот нормализиран

Пред Собранието на Македонија изутринава е мирно по синоќешните насилни протести. Барикадите се остранети, а сообраќајот по улиците околу собраниската зграда се одвива нормално. Забележливо е помало полициско присуство. 25 демонстранти се приведени, а седум полицајци и две жени завршија со повреди за време на протестите и според информациите од ургентниот центар сите се со полесни телесни повреди.

Полицајците имаат повреди од типот на исеченици или повреден скочен зглоб, а цивилите, кои се жени, се со рани од експлозивни направи. Од неколку демонстранти нападнат е и снимателот на Еден ТВ.

Протестите беа организирани преку социјалните мрежи поради догворот кој вчера го потпишаа Македонија и Грција со кој се реши 27-годишниот спор за името. Насобраните протестираа пред Собранието, а два кордона полицајци го чуваа законодавниот дом. Од двете страни имаше групи кои им довикуваа на полицајците, и по нив, а и кон собранието фрлаа камења, дел од нив употребиле распрскувачки средства и насилно ја турнале заштитната ограда, истовремено обидувајќи се насилно да влезат во Собранието. Со цел да се спречи ескалирање на ситуацијата и насилен упад во Собранието, а постапувајќи согласно процедурите, полицијата уопотреби солзавец, соопштија доцна синоќа од МВР.

Од МВР најавија дека повеќе информации за вчерашните случувањата пред законодавниот дом ќе бидат соопштени во текот на денов.


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1